16 Isa Nasarat fara aišše, zeṛe hiba zuwan oil. Dórmor din Isaye nizor rosom mozin muzolišhanat giye. Heṛe hibaye pak kalam foribolla uṛi tiyaiye. 17Tarfore hibar hatot nobi Esaiyar leka kitabwa diya oiye. He rol beraiya kitabwa kuli hibaye he zagagan faiye zeṛe leka ase: 18“Allah Mabudor Ruh ãr uwore ase, kiyollahoile Allaye ãre ṭik goijje zene ãi gorib okkolor hãse kušir hóbor tobolig gori. Hibaye ãre bondi okkolor hãse azadir hota, anda okkolor hãse nozor danor hota gušona goribolla defeṛaiye. Zene zara zulum far hitarare ãi rehai gori fari. 19edde Mabudor rahamotor bosor elan gori.” 20Tarfore Isaye he rol beraiya kitabware berai hademor hatot diye edde boišše. Muzolišhanar fotti mainšor suk Isar uzu oiye. 21Isaye hitarare en hoi šuru goijje, “Pak kitabor ei kalam tũwara funone aziya hiyan furon oiye.”
Noya niyom Luk 4:16-21 https://www.youtube.com/watch?v=C3dfwN3H3LY